Եվ ամեն անգամ և արդեն վաղուց
Երազի անտես թելից եմ կախված.
Թվում է' չկա էլ պայքարի ուժ,
Քամին տանում է մակույկն իմ հոգնած...
Քամին քշում է ու չգիտի՝ ուր,
Կյանքը օվկիան է՝ հոգսից խենթացած,
Տեսնելն է դժվար, ուստի ինչպես կույր,
Մարդը տրվում է երազին վարար...
Ու ամեն անգամ և արդեն վաղուց
Անտեսի կապույտ թելերից կառչած՝
Հյուսում եմ վաղվա հավատի մակույկ,
Որ նոր կարոտից չխեղդվեմ հանկարծ...
Комментариев нет:
Отправить комментарий