ՄԻ ՕՐ

Մի օր անկասկած կհարբենք սիրով ,

Կլողանք նրա կոհակներում խենթ ,

Կարոտի ճամփան կանցնի մեր միջով ,

Իսկ ժամանակը չի էլ հիշի մեզ...

Բոլորից հեռու և մերժված գուցե՝

Մեր հայացքները կփարվեն իրար,

Ոչ ոք չի տեսնի, թե որտե՞ղ, ինչպե՜ս

Սեր են անրջում սրտերը << օտար>>...

Մի օր անկասկած կգտնենք միմյանց ,

Ու չի խանգարի մեր սիրուն ոչինչ.

Խենթության համար սահմաններ չկան ,

Իսկ ժամանակը թող անցնի կողքից...

Հավատա դու ինձ՝ օրը այդ կգա ,

Երբ սիրով կայրվեն երկու լուռ հայացք...

Բոլորից հեռու և մերժված գուցե՝

Նրանք կփրկեն սիրուց մի հյուլե...