Քեզ որոնելը այդքան էլ հեշտ չէ,
Այն շատ բաղձալի, բայց անզոր տենչ է,
Իմ միտքը սնող օրերի երթ է
Ու զարկերակիս ուժ տվող հետք է...

Քեզ որոնելը իմ հոգու "բեռն" է,
Երբեմն տանջանք, հաճախ' պարգև է,
Լռության սրտում պայթած աղմուկ է,
Աղմուկի միջով կորչող աղոթք է...

Քեզ որոնելը գուցեև լուրջ չէ,
Գուցե խելահեղ անմիտ անուրջ է,
Բայց իր հորձանքով այն ինձ գերել է,
Կյանքի ձանձրույթից հաճախ փրկել է...

Քեզ որոնելը ինձ ... մոլորել է...