Մի քիչ անձրևոտ, մի քիչ ամոթխած՝
Գլուխն է հանել երազանքն էլի.
Մի քիչ հանդուգն, մի քիչ դառնացած՝
Ուզում է հերքել մոլուցքն օրերի...
Գլուխն է հանել երազանքն էլի.
Մի քիչ հանդուգն, մի քիչ դառնացած՝
Ուզում է հերքել մոլուցքն օրերի...
Ուզում է տեսնել հասկը բարության,
Որ անկեղծության պտուղն է բերրի.
Մի քիչ վախվորած, մի քիչ համարձակ՝
Նա որոմներին ասելիք ունի...
Որ անկեղծության պտուղն է բերրի.
Մի քիչ վախվորած, մի քիչ համարձակ՝
Նա որոմներին ասելիք ունի...
Ու ասելիքը օդում է կախված՝
Իբրև ահազանգ անդեմ զանգվածի,
Որն արդեն վաղուց, առանց երազանք՝
Մաշում է մոլուցքն անցնող օրերի...
Իբրև ահազանգ անդեմ զանգվածի,
Որն արդեն վաղուց, առանց երազանք՝
Մաշում է մոլուցքն անցնող օրերի...
Մի քիչ ուշացած, բայց և հրատապ՝
Իր քայլը կանի երազը էլի.
Գուցե մի թռիչք մնա անավարտ,
Գուցե մի լավ հասկ իր դեմքը փրկի...
Իր քայլը կանի երազը էլի.
Գուցե մի թռիչք մնա անավարտ,
Գուցե մի լավ հասկ իր դեմքը փրկի...
Комментариев нет:
Отправить комментарий