Չգիտեմ անգամ՝ ինչպես դիմացա,
Ինչպե՜ս առանց քեզ ես չխենթացա,
Տարբեր դիմակներ ակամա հագա,
Որ հոգուս վերքը աննկատ մնա...
Ինչպե՜ս առանց քեզ ես չխենթացա,
Տարբեր դիմակներ ակամա հագա,
Որ հոգուս վերքը աննկատ մնա...
Ու գլորվեցին օրերն անխնա,
Սակայն դրանից ես չթուլացա,
Գուցե և ուժը հենց դա է, որ կա'
Ապրել, երբ ներկադ շա՜տ է բացակա...
Սակայն դրանից ես չթուլացա,
Գուցե և ուժը հենց դա է, որ կա'
Ապրել, երբ ներկադ շա՜տ է բացակա...
Բացակա չեղար՝ որքան կամեցա.
Որքա՜ն ջանացի տաքն այն մոռանալ,
Որ քո ձեռքերով ծաղիկներ փնջած՝
Նվիրեցիր ինձ, հետո...հուշ դարձար...
Որքա՜ն ջանացի տաքն այն մոռանալ,
Որ քո ձեռքերով ծաղիկներ փնջած՝
Նվիրեցիր ինձ, հետո...հուշ դարձար...
Այն ծաղիկները վաղուց էլ չկան,
Պատել է նրանց մի կապույտ եղյամ,
Բայց, միևնույն է, անցյալից հաճախ
Ունկիս հասնում է մի խուլ ոտնաձայն...
Պատել է նրանց մի կապույտ եղյամ,
Բայց, միևնույն է, անցյալից հաճախ
Ունկիս հասնում է մի խուլ ոտնաձայն...
Չգիտեմ՝ որքա՜ն դեռ կդիմանամ,
Եվ որքան պիտի ես խուլ ձևանամ,
Որ դիմակները չմատնեն հանկարծ,
Թե դու դարձել ես հավերժ բացակա...
Եվ որքան պիտի ես խուլ ձևանամ,
Որ դիմակները չմատնեն հանկարծ,
Թե դու դարձել ես հավերժ բացակա...
Комментариев нет:
Отправить комментарий