Ինչ-որ տաք շշուկ իմ շեմը շեմեց,
Ինչ-որ տաք շշուկ ինձ հետ անրջեց...
Շշնջաց ունկիս կարևոր բառեր
Ու անկեղծ եղավ ու ինձ չխաբեց...
Ինչ-որ մայրամուտ նոր հույսեր ծնեց
Եվ արշալույսին քնքշանքով սնեց...
Ինչ-որ մի գիշեր խենթորեն մաշվեց,
Իսկ աստղաթափը գութ էլ չշարժեց...
Ինչ-որ լռություն խորը շունչ քաշեց,
Նրա փոխարեն օդը անրջեց...
Ինչ-որ տաք շշուկ իմ հոգին գրկեց
Ու անսուտ եղավ ու ինձ չլքեց...
Комментариев нет:
Отправить комментарий