Ձյունը չընդհատվեց իմ կոպերի տակ,
Թափվեց իբրև թե մեղեդի մի տաք,
Փռեց արծաթի մի ողջ նրբերանգ,
Ու սահեց ձյունը իմ շուրթերն ի վար...
Ձյունը համառեց, բառեր չգտավ,
Չգտավ խոսքեր ու արցունք դարձավ,
Հոսեց իբրև թե անտես մի գետակ
Ու գտավ ճամփան իմ աչքերն ի վար...
Ձյունը ընդհատվեց իմ կոպերի տակ,
Երբ լռեց մի պահ մեղեդին այն տաք,
Ցրտից կուչ եկած ցնորք ու պատրանք
Կորան` դառնալով թափառող հայացք...
Комментариев нет:
Отправить комментарий