Պատահականությունը` ԱՆՀՐԱԺԵՇՏՈՒԹՅՈՒՆ...

Պատահականություն լինու՞մ է կյանքում-

Հարցնում ես դու ինձ,

Երբ պատասխանը ինձնից լավ գիտես...

Ու գիտես և այն, որ հոգու խորքում

Հաճախ ենք հյուսում մեր իսկ երազի

Փոքրիկ մասնիկը

Իսկ երբ գտնում ենք կյանքում մի բեկոր,

Թվում է, թե դա պիտի որ լիներ...

Հենց այս իր տեսքով,

Լիներ ու սներ մեզ, մեր նմանին

Պատահականության սին հորինվածքով...

Իսկ ինչո՞ւ, ինչու՞ չես խորհել մի օր,

Խորհել ինձ նման, որ հոգու խորքում

Մեր իսկ որոնած անհայտ հասցեով

Երբ գտնում ենք մեր ուզածը կյանքում`

Գուցեև կոչենք անհրաժեշտությու՞ն...

Պատահական չեն մարդիկ որոնում,

Պատահական չեն սիրում և ատում,

Պատահական չէ կարոտը հևում,

Անհրաժեշտ է, որ երգն է այս թևում...