Է՜հ, տարիները չեն խնայում մեզ-
Անհաշտ են հաճախ, կամ՝ սիրում են հեզ,
Մերթ՝երես տալիս սիրահարի պես,
Մերթ էլ՝մտրակում անգութ ու անտես...
Ա՜խ,տարիները խնայեին մեզ-
Չտային այսչափ խիզախումի բեռ,
Լինեին քնքուշ՝սիրահարի պես,
Ու չլքեին,երբ տապ է կամ՝մեգ...
Չէ՜,տարիները կխնայեն դեռ -
Չէ որ ապրել են մեզնով երբևէ,
Թող գիժ լինեն մերթ, մերթ էլ՝անվեհեր,
Միայն թե՝ այդքան շուտ չլքե՜ն մեզ ...
Комментариев нет:
Отправить комментарий