Այսօր օրվա մեջ ալիք կար թախծի,

Այսօր զանգերը զարկ էին սրտի...

Այսօր տագնապած հուշի մի ալիք

Համբուրում էր ինձ ու լքում մեկից...

Այսօր գույները ողջ ծիածանի

Ամբարվել էին հույսի տանիքին,

Բայց մի անտարբեր ու անմիտ ալիք

Ծիածանում էր լռության փոշին...

Այսօր խոնա՜վ էր աչքը երկնքի՝

Ամենուր ձեռք կա՝ պարզած մեկնումի,

Իսկ սի՜րտը, սիրտը այնպե՜ս պատրաստ չի՝

Դողացող օրվա թախիծը մեղմի...

Այսօր թթվածնի քաղց էր երևի...