Այսօր ձյունն է իմ բարձը լինելու,
Այսօր ձյունը ինձ երազ է տալու,
Այսօր ուզում եմ, որ նա ականջիս
Շշնջա խոսքեր հասարա~կ, նրբին...
Ոչ, չի խաբելու նա ինձ այս անգամ-
Երազ չի տալու և խլի արագ,
Նրա թիկնոցը այսօրվա ճերմակ
Չի ծովանալու, կամ դառնա լճակ...
Այսօր ձյունը իմ բարձն է լինելու,
Այսօր արցունքի բեռ չի կրելու,
Ես եմ նրբորեն նրա ականջին
Պատմելու իմ խենթ երազի մասին...
Комментариев нет:
Отправить комментарий