Ինձ մի խնայիր, սիրով մտրակիր,

Աշնան գույների մակույկին հանձնիր,

Հույզերի ծովում դու ինձ մի փրկիր,

Իսկ երբ կործանվեմ ՝ լռությա՜ն մատնիր. . .

Աշնանը լսիր, երգում է կամաց,

Ո՞մ մասին է այն, դա չէ էական,

Աշնան մեղեդին սիրուց է ծնված,

Անգամ մեռնելիս ՝ ապրեցնու՜մ է այն. . .

Ինձ մի խնայիր, անցյալին գամիր,

Դա ցուրտ զնդան չէ, շունչ կա ներկայի,

Հույզի օվկիանի հատակը հասիր,

Սիրո պատյանով ինձ տուր... գալիքին ...