Նվագի՛ր, ջութակ...
քեզ հետ եմ ուզում երեկոս բացվի,
Քո մեղեդին է հոգուս հնչյունը,
Որ խեղդվել իմ մեջ, ճնշում է էլի ...
Նվագիր այնպե՛ս,
որ տարրալուծվի կարոտը հեռվում,
Հեռացնի ինձնից այն, ինչ լռում է,
ցավ է իմ հոգում...
Նվագիր այնքան,
մինչ լուսաբացը իր թարմությամբ գա,
Տանի իր ձեռքով աչքերիս բեռը,
նոր երազներ տա...
..................................................................
Նվագի՛ր, ջութակ, մի՛ լռիր այսօր ,
Երեկոն սուս է, մի քիչ էլ` ամպոտ,
Հոգու հնչյունը ապրել է ուզում ,
Քո կախարդանքով դու նրան ուժ տուր...
Комментариев нет:
Отправить комментарий