Քամվել է օրը խղճի աչքերին,
Մանրացել կյանքը...գրոշ է մի սին...
Արևը ծագեց, չժպտա՞ց արփին՝
Կարծես չի հուզում արդեն ոչ մեկին...
Կարծես ամպել է երկինքը մեր մեջ,
Հույզերի ծովը խեղդում է անվերջ.
Որքան աղաղակ օդում լուռ պարպվեց,
Եվ որքան շուրթեր՝ աղոթքում փակվեց...
Այսքան դառնությու՞ն՝ օրվա ուսերին,
Դժվար է շնչել...չի՜ ժպտում արփին...
Մեկ-մեկ գութ քամենք օրվա շուրթերին՝
Գուցե սպեղանի լինի վերքերին ...
Комментариев нет:
Отправить комментарий