Այս օրն էլ կանցնի, երբ ես առանց քեզ
Նոր արշալույսի քողն եմ լուռ բացել,
Երբ նրա կապույտ աչքերին նայել
Ու քո հայացքը այնտեղ չե՜մ տեսել։
Նոր արշալույսի քողն եմ լուռ բացել,
Երբ նրա կապույտ աչքերին նայել
Ու քո հայացքը այնտեղ չե՜մ տեսել։
Այս օրն էլ կանցնի, երբ աչքերիդ տեղ
Չգիտեմ անգամ, թե ինչ եմ գտել,
Ու՜մ հուշերում եմ անտարբեր մեխվել
Եվ ում պարտեզի հմայքը բեկել։
Չգիտեմ անգամ, թե ինչ եմ գտել,
Ու՜մ հուշերում եմ անտարբեր մեխվել
Եվ ում պարտեզի հմայքը բեկել։
Այս օրն էլ կանցնի, երբ հետքերիդ հետ
Հավատարմորեն դեռ պիտի քայլեմ,
Իմ միայնության բնույթը հերքեմ,
Քո լինելության հույսով ամոքվեմ։
Հավատարմորեն դեռ պիտի քայլեմ,
Իմ միայնության բնույթը հերքեմ,
Քո լինելության հույսով ամոքվեմ։
Այս օրն էլ անցավ, երբ որ մութի մեջ
Կողպեցի ևս մի ներկայի էջ,
Երբ անքեզ եղա, անթռիչք, անձև,
Երբ...վաղը նույնպես չի՜ բերելու քեզ...
Կողպեցի ևս մի ներկայի էջ,
Երբ անքեզ եղա, անթռիչք, անձև,
Երբ...վաղը նույնպես չի՜ բերելու քեզ...
Комментариев нет:
Отправить комментарий