ԻՄ ՈՒ ՔՈ ՄԻՋԵՎ ...

Իմ ու քո միջև կա մեծ լռություն ,

Խեղդված արձագանք, չծնված շշուկ .

Կա չվերծանվող մի երկխոսություն ,

Անհատակ թախիծ, խտացած արցունք ...

Իմ ու քո միջև կա տարածություն ,

Օվկիանոս չէ դա, կամ` լեռան բարձունք .

Բևեռներ են լոկ` իրարից հեռու ,

Միմյանց ձեռք պարզած, որ չե~ն հասնելու ...

Իմ ու քո միջև կա մի մեծ տագնապ ,

Որ կշիռ չունի, կամ` չափման միավոր .

Այն սրտի զարկ է, ճիչ համատարած ,

Հոգու խռովք է, կամ` ձայն դողացող ...

Իմ ու քո միջև կա լո~կ խենթություն ,

Անթև երազանք ու անբոց կարոտ .

Անվերջ թվացող մենախոսություն `

Այնքա~ն թափանցիկ ու այնքան` լուսնոտ ...

Իմ ու քո միջև չկա հաշտություն ,

Կան լոկ գրազի մեկնված ձեռքե~ր ...

Իմ ու քո միջև որքան անանուն ,

Անծանոթ բան կա...որ դու չգիտես ...