Չեմ հայցում քեզնից ոչ սեր, ոչ` գորով.
Այնքա~ն երկար եմ սիրել, գթացել...
Չեմ տենչում անգամ հայացքըդ շոյող.
Մարող աստըղ է այն ճամփիս դարձել...
Չեմ ուզում սիրտըդ իմ առջև բացես .
Վաղու~ց եմ սերտել էջերը նրա...
Չեմ ուզում անափ կարոտից խոսես.
Բառերը կոտրած ճյուղի են նման...
Չեմ կանչում արդեն քեզ իմ երազում.
Գուցե հոգնել եմ իրական խաղից...
Լոկ խնդրում եմ քեզ, նույնիսկ` թախանձում.
Օգնիր արթնանալ իմ խորունկ քնից...