Ես քեզ կարոտել եմ…
Ինչ անվանեմ քեզ` իմ թախի՞ծ, իմ սե՞ր,
Թե` իմ փորձություն…
Այնպես անփորձ ես դու սիրո հարցում,
Իսկ ես` տառապյալ,
Եվ մի փնտրիր դու քո խենթ երազում
Անտուն հանգրվան…
Ես քեզ կարոտում եմ…
Ինչպե՞ս դու մտար երազիս տունը,
Դարձար մասնիկը իմ խելառ կյանքի,
Դարձար պատճենը իմ խենթ օրերի…
Ինչպես դու գտար իմ հասցե'ն, տե~ղը…
Ես քեզ կկարոտեմ…
Ի՞նչ անեմ հիմա, իմ թախիծ, իմ սեր,
Իմ մեծ փորձություն…
Քո սիրո հարցում չեմ ուզում ոչ փորձ,
Ոչ էլ` տառապանք…
Թույլ տուր ես ապրեմ իմ երազի հետ`
Շատ անիրական…
Комментариев нет:
Отправить комментарий