ԱՌԱՆՑ ՔԵԶ....

Առանց քեզ դատարկ է կյանքըս,

Առանց քեզ չի զարկում սիրտըս.

Այնքան նվազ է ճախրելու տենչը

Եվ այնքան զորեղ` կարոտի ճիչը...

Առանց քեզ աղքատ եմ կարծես

Եվ չունեմ ոչինչ` ոչ երազ, ոչ սեր,

Իսկ այն, ինչ որ կա` ծռված ժպիտ է,

Հուսահատ նայվածք ու մարող հույսեր...

Առանց քեզ անհանգրվան եմ,

Խենթ թափառական մտքի տողերով,

Իսկ իմ գտածը ճերմակ էջերն են,

Որ ցողում եմ ես լուրթ արցունքներով...

Առանց քեզ անլույս է տունըս,

Առանց քեզ խամրում է օրըս.

Այսքանից հետո ասա, ի'մ ասպետ,

Ինչպես կարող եմ ապրել առանց քեզ...