Ո՞վ տեսավ աշնան գույները թախծոտ,
Ո՞վ տարվեց նրա հեքիաթի դողով,
Ո՞վ փակեց աչքը՝ երկնքին կարոտ.
Այս հոգու ցավը կմարի՞ արդյոք...
Այս հոգու ցավը անհատակ է, խոր,
Մրմուռն է նրա պատերը ծակում...
Մի տեսակ անշունչ՝ ամեն բացվող օր
Կյանքի նեկտարից ավար է առնում...
Ո՞վ հետ կբերի գույները բոսոր,
Որ տարավ աշնան խաբկանքը իր մոտ,
Ո՞վ է բուժելու վերքերն այսքան խոր.
Գիտե լոկ Աստված՝ աղոթքն իմ լսող...
Комментариев нет:
Отправить комментарий