ԻՄ ԿԱՐՈՏՆԵՐԸ ...................

Իմ կարոտները քեզ այցի կգան,

Երբ դու կկիսես անցյալն ու ներկան,

Երբ կուզես միայն անցյալով ապրել

Ու նրա գրկում հաշտություն փնտրել...

Իմ կարոտները քեզ լուռ կգրկեն,

Որ անցնող օրվա հոգսերից փրկեն,

Որ գալիք օրվա ստվերը լինեն

Ու այնտեղ սիրո կամուրջներ նետեն...

Իմ կարոտները ինձ ու քեզ  համար

Կձուլեն տողեր հանգերով անմար,

Իսկ վերնագիրը, թեկուզ և անհանգ,

Կդառնա մեր կույր կարոտի վկան...