Որտեղ են ապրում մեղեդին հոգու,
Երգը օվկիանի, ծփանքը ծովի ,
Ինչպես է լալիս մի դեղին աշուն ,
Ինչու են մարում ռիթմերը սրտի ...
Իմ այս հարցերին մի պատասխանիր -
Շատ բան զգում եմ < համըր կարոտից > ,
Միայն խնդրում եմ` ուժով քո վրձնի
Ինձ համար այսօր աշուն նկարիր ...
Նկարիր այնպես, որ ես խենթանամ ,
Գույներիդ զարկից կախարդված մնամ
Հոգու մեղեդուն, օվկիանի երգին .
Գտնեմ ու փարվեմ ծովի ծփանքին ...
Նկարիր անվերջ իմ դեղնած այգին ,
Այնտեղ դու կյանք տուր կապույտ երազին ,
Որ կախարդանքից ռիթմերը սրտիս
Լու~ռ հնազանդվեն խենթացած վրձնին...
Комментариев нет:
Отправить комментарий