Առավոտները իմ որբ են բացվում -
Դու չկաս նրանց խոնավ ծալքերում ,
Առավոտներըս հույսով չեն թարթում ,
Կոպերը բանալ ինձ չեն խոստանում ...
Առավոտներըս կեսօր չեն անգամ ,
Թույլ ու նվազ է հորդումը լույսի ,
Երակներում էլ ջերմություն չկա ,
Մարում է կարծես հևքը կարոտի ...
Առավոտներըս երեկո են լուռ ,
Ինքնամփոփ, մրսած, թալանված, երեր ,
Արցունքափոշուց դարձել են մի բուռ ,
Ինձ նետել լույսի դողացող ստվեր ...
Առավոտներըս գիշեր դարձրիր ,
Երբ քո աչքերը փակեցիր իմ դեմ ,
Սրտիս պատերը անպաշտպան թողիր -
Թախիծն է անհոգ ծվարել այնտեղ ...
Комментариев нет:
Отправить комментарий