Կարոտել եմ քո աչքերին ,
Քո աչքերի օվկիանոսին ,
Թող որ սուզվեմ նրանց խորքում ,
Նրանց խոնա~վ ալիքներում ...
Ես կգրկեմ թախծիդ լեռը
Ու կխառնեմ խոր ձորերիս ,
Իմ կարոտի հորիզոնը
Լուռ կփռեմ քո ոտքերին ...
Կհավաքեմ հոգուս խորքում
Քո արցունքի տաք գոլորշին
Ու կձուլեմ Տիեզերքում
Իմ կարոտի աստղափոշին ...
Եվ այնտեղից Երկիր կիջնեմ ,
Ծնկի կգամ ու ... կաղոթեմ ,
Որ կարոտիս լուրթ ջրերում
Հավերժ ժպտան մի զույգ աչքեր ...
Комментариев нет:
Отправить комментарий