<< ՆՈՐ ԵՐԳ >>

Դու իմ խենթ կյանքի մասնիկն ես հիմա,

Լցրել ես սիրտըս լույսերով անմար.

Դարձել ես նոր երգ պապակ շուրթերիս,

Դու ես իմ կյանքը, իմ լույսը, հոգիս...

Ես քեզանով եմ հարուստ, դու գիտես,

Քանի որ ունեմ և երազ և սեր,

Ճերմակ անուրջներ, ճախրելու մեծ տենչ,

Իսկ այս ամենը դու ես ինձ տվել...

Մեծ հանգրվան ես ինձ համար դարձել,

Գիտեմ կարոտիս տեղը և հասցեն.

Ճերմակ տողերով ուր էլ թափառեմ`

Խենթի պես քեզ մոտ կգամ, կհասնեմ...

Դու իմ կույր սիրո անմարմին տերն ես,

Բայց...անհաղորդ ես սրտիս զարկերին.

Ես եմ բացելու աչքերըս մեկից,

Թե` տեր կդառնաս նոր երգիս, հոգիս...