Մատներս` անհաստատ եղեգ.
Ճկվում են, դողում անգամ քամուց հեգ,
Ափերս` լույս հունցող ստվեր,
Այրվել են սառցի շնչից անտարբեր...
Ոտքերս` մագնիսն է ձգել.
Ուզում են քայլել, բայց գնում են ետ,
Թռիչքս` երկնքում բեկվել,
Դաշինք է կնքել հորիզոնի հետ...
Մտքերս` ինձանից էլ խենթ,
Անհնազանդ են, մտրակում են խեթ,
Աշունը` իրեն մոռացել,
Քարոզ է կարդում իմ գլխին անվերջ...
Комментариев нет:
Отправить комментарий