Որտեղի՞ց այսքան ձմեռ՝ աշնան մեջ-
Տերև ու փաթիլ իրար են բախվել,
Մի տեղ տենդում է երազը ավեր,
Մի այլ տեղ՝ մրսում հույսը բնավեր...
Որտեղի՞ց այսչափ մուրացող ձեռքեր-
Սեր չկա վաղուց, մանուկ են մորթել,
Փշրանքը նրա նետել են մի տեղ,
Մեկ այլ տեղ՝ փրկել փոքրիկ մի ծվեն...
Որտեղի՞ց գտնեմ աշուն՝ աշնան մեջ,
Որ միմյանց փարվեն և գույն և ստվեր,
Որ երազները միշտ ունենան տեր,
Որ հույսը դառնա ամենուր տանտեր...
Ուզում եմ տեսնել աշուն՝ աշնան մեջ...
Комментариев нет:
Отправить комментарий