Դու կաս այնքանով, որքանով ես կամ ՝
Իմ հոգու խորքում և սրտիս վրա ,
Ուր ներխուժել ես այնպես աննկատ ,
Որ ելքի ճամփան չգիտես անգամ ...
Ես էլ չգիտեմ, թե ամեն անգամ
Ինչպես իմ սրտի դռները բանամ ,
Հետո անշշուկ, գուցեև՝ տարտամ
Թողնեմ մի ըստվեր ու լուռ հեռանամ ...
Հեռանամ այնպես, որ քեզ մոտ լինեմ ,
Որ տարածության ձեռքերը կարճեմ ,
Որ ժամանակի քայլերը շեղեմ
Ու խենթ կարոտի օվկիանը ճեղքեմ ...
Ես կամ այնքանով, որքանով <<դու կաս>>
՝
Ինչ էլ որ լինես՝ անգո, թե՝ երազ ...
Թող լռությունը միտքը իմ կարդա ՝
Մինչ դու կգտնես ելքի մի ճամփա ...
Комментариев нет:
Отправить комментарий